گهمهی ئاو
ههسارهیهک به له جنسی ئهتڵهسی ترین ڕههبهت و خهون
مهلهوانێکم چاو له ئاسمان و
زهفهرم پێ دهبات سهرما و سۆڵی شهو
نه ئهستێرهیهک که وا حهزی لێ بکهم
نه ئهم گۆڕخانه مهزنهی
دوا ههناسهی دێته گوێم،
خۆ ئهگهر مهئموورهکانی سهر سنووریش ئیزنت پێ نهدهن
گهرمێن باڵهخانهی ئهتڵهسی ترین ههسارهکانی شهوه و
من، مهلهوانێکم له جنسی بهرخۆدانی نهههنگهکانی کهنار زهریا
لهوانهیه هاوڕام نهبی تۆ
که چاوهت بهردهوام ئیقتداری درهوشانهوهی پێوهیه
رهنگه شهو دهخیلی ههوهست بێ
[وهباڵی تۆم به گهردهن]
یان کاکێشان خۆڕاپسکانی ههسارهیهک بپێکێ
دهستهمۆ نهبێ بۆی [له یادمه]
پهردهکان لا بدهم
ئهم ئارامشه زۆری پێ ناچێ
تۆ چلۆن ئۆقره دهگری جار جاره له پهنام
من دهڵیم:
هۆشمان نهبوو له یهک
تۆ له باخچه دهسکردهکانم که شین نهبوون بۆم
من له زهوی که ئهتڵهسی ترین خهونهکانیم بیستوو
تۆ له گهمهی ئاو که نهشمیلانهیهک یاری پێ دهکا و
ههرد مات و حهیران
به ئانیشکی دا ئاوهچۆرێتی
چ گاڵتهجاڕێکه ئاو
ههسارهیهک بهردهوام چاوهڕوانێتی و
مهلهوانێک که من بم ئهتۆی تێیا بهدی کهم
من دهڵێم:
هۆشمان نهبوو لهیهک
ڕههبهتی تۆ دهم ساردترین، تاریکترین، بێ چانترینهکانی شهوه
خهونی من بێ نازتره لهوهیه بریندارت بێ.
ههرمان وهتمانی له دایکبووی