ڕانانی کتێبی "مەرگ دۆست‌ترین درەختی دنیا

کتێبی «مەرگ دۆست ترین درەختی دنیا» یەکەمین کۆمەڵە شیعری چاپکراوی شاعیری لاوی مەهابادی «هەرمان وەتمانی» یە. شاعیر و ڕەخنەگری هاوچەرخ «یوونس ڕەزایی» لەبارەی ئەم کۆمەڵە شیعرەوە دەڵێت: هەموو شیعرەکانی «هەرمان» خاوەن زمانێکی دەوڵه‌مەندن و له‌و نه‌سله‌یه که زمانی کوردی دروست و دەوڵه‌مه‌ند دەکار کردووە و له ئه‌زموونی شاعیردا زمانێکی پته‌و و ساختارێکی تێک ته‌نراو و دروست دەبینرێ. هەروەها «ناسر باباخانی» وەکوو ڕەخنەگری ئەدەبی «پێشەکی» بۆ ئەم کۆمەڵە شیعرە نووسیوە.

کتێبی «مەرگ دۆست ترین درەختی دنیا» لە قەبارەی مامناوەند و لە دووتوێی ٧٨ لاپەرە و بە نرخی ٩٠٠٠ تمەن لەلایەن چاپەمەنی «گوتار»ـەوە چاپ و پڵاو کراوەتەوە. ئەم کتێبە هەر ئێستا لە  «کتێبفرۆشی ئاگۆرا» لەبەر دەست خوێنەران دایە. کتابفروشی آگورا: مهاباد- چهار راە میدان آرد- پاساژ بانک ملت- طبقە همکف

لە پشت بەرگی کتێبی «مەرگ دۆست ترین درەختی دنیا» نووسراوە:

من مەرگ دۆست ترین درەختی دنیا

وڵامم بدەوە ئەی مەرگ

لەو ڕۆژانەی تەنیا منم و

خۆشەویستییەک بەدی ناکرێ

لەو ساتانەی ئەفسوونگەرێک خۆی دۆڕاندووە و

کەشتییەک لە ئاپۆڕەی شەقام لەنگەر دەگرێ

لەو کاتانەی شەقام ئیتر شەقام نییە و

خوێن جێ پێی ونە؛

پەراگرافی یەکەم لە «پێشەکی ناسر باباخانی» بۆ کتێبی "مەرگ دۆست ترین درەختی دنیا":

زۆر جاران کە شیعرێک دەخوێنییەوە، لەگەڵ ئەوەدا کە دێتە خانەی شیعری باڵاوە و لە یەکەم خوێندنەوەدا خۆ بەدەستەوە نادا و ڕەنگە لە چەندین جار خوێندنەوەش دا بۆ خوێنەر دەستەمۆ نەکرێ... بەڵام هەر لە یەکەم سات دا هەست دەکەی بە تەواوی مانا شیعرە و ڕووح و بیرت، هەست و خەیاڵت دەهەژێنێ... کۆمەڵە شیعری «مەرگ دۆست ترین درەختی دنیا» ڕێک لەم شیعرانەیە.

شێعری «شیرین ژیانێک سه‌خت» لە کتێبی «مەرگ دۆست ترین درەختی دنیا":

باڵات ده‌دره‌وشێمه‌وه په‌شمینه‌یه‌ک گڕ

تا زه‌ندۆڵ به هاناته‌وه که‌ربه‌لاترین زه‌خت

چاو: گه‌ش ده‌بارێم

له دیدارت زه‌رده‌په‌ڕ

په‌شیمان نه‌بم پزیسک بارانی سوور و

گوڵه مێلاقه‌کانی سه‌ره‌ڕۆ

که شێرێک سه‌رهه‌ڵبدا کۆپ

وه باڵات ده‌دره‌وشێمه شه‌و

تاڵ ده‌یڕێسی و ژه‌نگ

زامێک به ڕووخسارته‌وه شیرین ژیانێک سه‌خت

تا زه‌وی که داده‌بارێته باران و گڕ

ده باڵات هه‌ڵده‌که‌م په‌شمینه‌ک ژان

که نه‌تگوت ژه‌نگ:

دایڕێژه ناسک بڵێسه

گوڵ ده‌پشکوێم...

ئاشنابوون لەگەڵ "هەرمان وەتمانی":

هەرمان وەتمانی ساڵی 1985 زایینی لە شاری مەهاباد لەدایک بووە. پلەکانی خوێندنی تا بەکالریۆسی ماف درێژە پیداوە. لە ساڵەکانی سەرەتایی خوێندنی ڕا هۆگری بە کاروباری هونەری ئەدەبی پەیدا کردووە و لە بوارەکانی شێعر، وەرگێڕان، چیرۆک،توێژینەوە و ڕۆژنامەوانی چالاکی نواندووە و لە هەر کام لەم بوارانەدا خاوەنی بابەت، بەرهەم و خەڵاتی ناوخۆیی و دەرکیە.  

هەرمان وەتمانی بێجگە لە نووسین، وەک مودیرمەسئول، دەستەی نووسەران، بەڕێوەبەر و هاوکار لە زۆربەی ڕێکخراوە و چاپەمەنی و ڕاگەیێنەرە فەرهەنگییەکانی مەهاباددا بەشداری هەبووە.

 جودا لەم کارانەی تازە بڵاوبۆتەوە و کارێکی هاوبەشی (فەرهەنگی ئاواییەکانی مەهاباد)، سێ بەرهەمی تری هەرمان وەتمانی کە وەرگێڕانی کۆمەڵە چیرۆکن ئامادەی چاپ و بڵاو بوونەوە.

ڕەساڵەتی تەنز له شێعری "مەلا مارف کۆکەیی"دا

هەرمان وەتمانی ـ مه‌هاباد

 

کورته

ته‌نز یه‌کێک له شێوازە کاریگه‌رەکانی ئاخاوتنی ئه‌دەبی و هونه‌رییه. ئه‌م شێوازه ئاخاوتنه یه‌کێک له لقەکانی ئه‌دەبیاتی ڕەخنه‌گرانه و کۆمەڵایه‌تییانه‌ به ئه‌ژمار دێت.

له ئه‌دەبیاتی کوردیدا تەنز خاوەن مێژوویه‌کی دوور و درێژه، به چەشنێک که له ئه‌دەبیاتی فۆلکلۆردا نه‌ک به ناوی تەنز بەڵکوو به ناوی جۆراوجۆر خۆ به دەسته‌وە دەدا و سنوورێکی زۆر دیاریکراویشی لەگە‌‌ڵ ته‌وس و داشۆرین نییه، بەڵام خەنده نوخته خاڵی هاوبەشی هەمووانه،  له تەنزدا ئه‌م خەنده‌یه له ڕووی بێ بەر‌پرسایه‌تی نییه و هەڵقوڵاوی بیرێکی قووڵه له ناخه‌وە. کەوابوو ته‌نز له کۆنەوە سرنجی چینه جۆراوجۆروکانی کۆمەڵگای کوردی بۆ لای خۆی ڕاکێشاوە و به که‌ڵك وەرگرتن له‌م زمانه‌ بەرامبەر به ناحه‌زییه‌کان، گرفتەکان و ناڕاستییەکان دواون. له کاریکاتێردا چۆن هونه‌رمه‌ند هه‌وڵ دەدا به بەرجسته کردنه‌وەی هێندێک لایه‌ن، بیری بینه‌ر به‌رەو واتایه‌کی تایبه‌ت ڕاکێشه بکات له شێعریشدا ڕۆڵێکی ستراتێژی هه‌یه و شاعیر به‌ردەوام له حەولدا سرنجی به‌ردەنگ بۆ لای مانا و واتای مه‌به‌ستی بگه‌یه‌نێت....

ادامه نوشته

بۆ تۆ ...

ناگه‌م به تۆ

له چه‌شنی خۆر

که بانگ دێڵێته بسکی شه‌و

هه‌ر وه‌کوو دڕک

ده‌سته‌ونه‌زه‌ر له ده‌رکی گوڵ...

 

ناگه‌م به تۆ...

شێعری هێرمان دێکۆنینێک

هێرمان دێکۆنینێک

وه‌رگێڕانی: هه‌رمان وه‌تمانی

هێرمان دێکۆنینێک ( Herman de Coninck)  بیست‌ویه‌کی فێورییه‌ی 1944 له مێچله‌ن شارێک له به‌لجیکا له دایک‌بووه و له ساڵی 1997 له لیسبوون به هۆی جه‌ڵته‌ی دڵ کۆچی دوایی کردووه. له به‌شی زمانه‌کانی ژێرمه‌نی‌دا خوێندنی ته‌واو کردووه. چه‌ند ساڵێک وانه‌ی وتۆته‌وه‌. کۆمه‌ڵه شێعری "ئه‌وینی سازگار" پڕفرۆش‌ترین کۆمه‌ڵه شێعر به زمانی هۆڵه‌ندی له سه‌ده‌ی بیسته‌م‌ دایه. له‌و وه‌ک شاعیرێک یاد ده‌که‌ن که نه‌ته‌وه‌که‌ی فێری شێعر خوێندنه‌وه‌ کرد، شێعری هێرمان دکۆنینێک سه‌هل و مومته‌نیعه و بۆ وه‌رگێڕان دژوار. هێرمان دکۆنینێک ڕه‌خنه‌گری بواری ئه‌ده‌بیش بووه و وتارگه‌لێکی سه‌باره‌ت به شێعر و شێعری که‌سانی تر نووسیوه‌.

1

خۆشم ده‌وێی

دوورنواڕانه له چه‌شنی "ڕه‌‌نگ بێ"

بێ بڕوایانه وه‌کوو "ئه‌رێ"

وه‌ها درێژ وێنای "چی ڕوو ئه‌دات".

 

2

"بۆ یه‌کدی"

زوو چاوه‌کانتم خۆش ده‌ویست ته‌نیا

ئێستا چرچ و لۆچییه‌کانی په‌ناشی

له چه‌شنی وشه‌یه‌کی ڕه‌سه‌ن

که زێده‌تر له وشه‌ی نوێ هاوده‌ردی ده‌کا.

زوو هه‌ر په‌له بوو،

بۆ هه‌بوونی ئه‌وه‌ی هه‌تبوو، هه‌رجار سه‌‌رله‌نوێ‌یانه

زوو هه‌ر ئێستا بوونی بوو، ئێستا زووتریش هه‌س.

شت‌گه‌لێک بۆ خۆشه‌ویستی

ڕێگه‌‌ی زۆر بۆ جێبه‌جێ کردنی ئه‌وێ کار

کارێ نه‌کردن یه‌ک له وانه ته‌نانه‌ت

له په‌نا یه‌ک ڕۆنیشتن به په‌ڕتووکێ

یان له‌گه‌ڵ یه‌کدی نه‌بوون، له کافه‌یه‌ک، له قولینچکێ.

یان نه‌بینینی یه‌ک، چه‌ند ڕۆژێ

دڵ په‌رۆشی یه‌ك بوون، که‌چی هه‌میشه‌ش له‌گه‌ڵ یه‌کدی

 

ئێستا ته‌مه‌ن نزیک حه‌وت ساڵی...

شلکه‌هه‌نگاو ـ هه‌رمان وه‌تمانی

شلکه‌هه‌نگاو

هه‌رمان وه‌تمانی

به تینی نه‌رم‌کێشی ئاورگ

پێناودارتم گــــــورگ‌ئاسا

ئه‌مجا وه‌ره‌...

له چه‌شنی به‌یبوون

هه‌ڵاڵه‌پڕژێی ده‌شته‌کانتم ئاماڵ ئاگر

ده‌مه‌رقۆپان خه‌م مه‌پۆشه‌

که باران ڕۆبنیشێته خێوی خاک

ته‌مه‌نا که‌م له باره‌گــــــــــــــــات،

دژوێن ده‌شۆم،

به ڕۆقنایی لێم مه‌بوره

به شمشێری تێژی باران...

ئه‌حمه‌دڕه‌زا ئه‌حمه‌دی

ئه‌حمه‌د ڕه‌زا ئه‌حمه‌دی ــ تاران

وه‌رگێڕانی هه‌رمان وه‌تمانی

له ڕه‌شماڵ‌دا

"با"ش ناتوانێ سه‌رما بدۆزێته‌وه‌

ده‌وری من ئه‌مه‌یه

ژنێک خاوه‌ن جه‌سته‌یه‌ک له ژان

له په‌رێشانی و په‌ره‌سه‌ندنی نووردا

ژنێک که ڕۆژانی تر ده‌مانوت: خاتوون...

شێعری ئه‌مڕۆی ئه‌فغانستان 1

شێعری ئه‌مڕۆی ئه‌فغانستان 1

وه‌رگێڕانی هه‌رمان وه‌تمانی

جیهانی ئه‌ده‌بیاتی ئه‌مڕۆی ئه‌فغانستان به‌رهه‌می گۆڕانکارییه‌کی قووڵه که له سی ساڵی ڕابردۆوه به‌رۆکی ئه‌م وڵاته‌ی گرتووه، گۆڕانی کۆمه‌ڵایه‌تی که بۆته هۆی گۆڕان له گۆڕه‌پانی ئه‌ده‌بیات و شێعردا، شێعری ئه‌مڕۆی ئه‌فغانستان ده‌نگێکه که له ماوه‌ی چه‌ندین ده‌یه ململانێ له ناو و ده‌ره‌وه‌ی ئه‌م وڵاته‌دا بیچمی گرتووه.

شکڵ گرتنی جیهاد و خۆڕاگری بوو به هۆی ئه‌وه‌ که ئه‌ده‌بیاتی خۆڕاگری بۆ ماوه‌یه‌کی زۆر له کۆڕه‌ ئه‌ده‌بییه‌کان قسه‌ی یه‌که‌م بکات و زۆربه‌ی به‌رهه‌مه چاپکراوه‌کان له‌م وڵاته هه‌ر سه‌باره‌ت به‌مه بێت، به‌رهه‌م گه‌لێک که جاری وابوو له ڕه‌تی مانه‌وه‌ی هێزی بێگانه و هێندێک جاریش پشتیوانی له ڕۆشنبیری چه‌پی ئه‌فغانی ده‌کرد که سه‌ردێڕی سه‌ره‌کی ڕۆژنامه و گۆڤاره‌کانی کابۆل، پیشاوه‌ر و تاران بوو.

ئه‌مڕۆ له کابۆل و و شاره‌کانی تری ئه‌م وڵاته به‌ره‌یه‌ک هه‌ر له‌م خاکه‌وه‌ سه‌ری هه‌ڵداوه‌ که به‌رپرسایه‌تی ئه‌ده‌بیاتی ئه‌م وڵاته‌ی له ئه‌ستۆیه، به‌ره‌یه‌ک که زیاتر له جاران له‌گه‌ڵ زمانه‌کانی نوێ و ده‌نگی تازه ئاشنایه، له کۆڕه‌ ئه‌ده‌بییه‌کانی کابۆل هه‌تا نمایشی فیلم له پاریس و پێشانگای کتێبی تاران له ده‌ست نادا و به هۆگرایه‌تییه‌کی زۆره‌وه‌ کۆڕه‌ تایبه‌تییه‌کانی خۆی ده‌پارێزێ.

گشت ئه‌م ده‌نگانه ناسێنه‌ری ئه‌ده‌بیات و شێعری ئه‌م وڵات و نیشتمانه‌ن و ئامانجیش گه‌یاندنی ئه‌م ڕوانینه جیاوازه‌یه به به‌رده‌نگه‌ پرۆفشناڵه‌کانی له هه‌ر شوێنێک و ناشوێنێک.  پێشه‌کی محه‌ممه‌د واعزی ـ  ده‌بیری به‌شی شێعری ئه‌فغانستان بۆ ماڵپه‌ری ئه‌ده‌بیاتی پێشڕه‌وی ئێران ـ وه‌رگێڕان هه‌رمان

مورته‌زا سه‌مه‌دی

مورته‌زا سه‌مه‌دی له‌دایک‌بووی ساڵی 1995 ز له ویلایه‌تی هه‌رات شاری غوریان، ئه‌ندامی ئه‌نجومه‌نی ئه‌ده‌بی هه‌رات (یه‌که‌مین ئه‌‌نجومه‌نی ئه‌ده‌بی ئه‌فغانستان که ساڵی 1930 دامه‌زراوه‌)، که له ته‌مه‌نی 13 ساڵییه‌وه‌ ده‌ستی به نووسین کردووه و وه‌ک شاعیرێکی لاو و سه‌رکه‌وتوو که شێعره‌کانی ماوه‌یه‌که سرنجی گه‌وره‌ شاعیرانی ئه‌م ده‌ڤه‌ره‌ی بۆ لای خۆی ڕاکێشاوه. خۆی ده‌ڵێ دڵگه‌رمی ئه‌ندامانی ئه‌نجومه‌نی ئه‌ده‌بی هه‌رات که هه‌موو چوارشه‌ممۆیان...

وه‌رگێڕانی چیرۆکی هاروکی موراکامی

چاوپێکه‌وتن له‌گه‌ڵ کیژی له‌ سه‌تا سه‌ت دڵخواز

هاروکی موراکامی

وه‌رگێڕان: هه‌رمان وه‌تمانی

ده‌مه‌و به‌یانییه‌کی جوانی به‌هاری له شه‌قامێکی لاوه‌کی باریکه‌ڵانه له گه‌ڕه‌کێکی قه‌ره‌باڵغی هارایۆکۆی تۆکیۆ، به ته‌نیشت کیژێکی ته‌واو دڵخوازی خۆم‌دا تێپه‌ڕێم. ئه‌گه‌ ڕاستیتان ده‌وێ، هێنده‌ش جوان نییه، تایبه‌تمه‌نییه‌کی ئه‌وتۆی نییه، جل‌وبه‌رگه‌کانی ئاسایین، هێستاش شوێنی سه‌رین له پشته سه‌ری دیاره، هێنده‌ش لاو نییه، ده‌بێ ده‌وروبه‌ری سی ساڵی ته‌مه‌ن بێت، ته‌نانه‌ت ناکرێ بڵێین به گشتی کچیشه. سه‌ره‌ڕای ئه‌وه‌ له مه‌ودای چل و پێنج مه‌ترییه‌وه‌ ده‌زانم له سه‌تا سه‌ت کیژی دڵخوازی منه. هه‌ر‌ ئه‌و کاته‌ی که ده‌یبینم دڵه کوته دامده‌گرێ و زارم وه‌ک بیابان وشک ده‌بێ. له‌وانه‌یه ئێوه‌ حه‌زتان له چه‌شنێکی تایبه‌ت له کچان بێت، بۆ وێنه کچێک به قولاپه‌ی پێی شووش و باریک، چاو گه‌وره، قامکه‌کانی ناسک و زه‌ریف بن یان به بێ هیچ هۆکارێک گیرۆده‌ی ئه‌م کچانه بن که له ڕیستورانان‌دا ڕایده‌بوێرن، منیش پێوه‌ری تایبه‌تی خۆم هه‌یه، هێندێک جار له ڕیستوران‌ له کچیک ڕاده‌مێنم که له پشت مێزی ته‌نیشتم دانیشتووه، به‌س له‌به‌ر ئه‌وه‌ چوون حه‌زم له شکڵی ده‌م و لووتێتی.

هیچ که‌س ناتوانی ئیدعای ئه‌وه‌ی بکات که کیژی دڵخوازی له سه‌تا سه‌ت له‌گه‌ڵ گشت پێوه‌ره‌کانی وی یه‌کسانه. سه‌ره‌ڕای ئه‌وه‌ که هه‌میشه سرنج ده‌ده‌مه لووتی مرۆڤه‌کان، ناتوانم شکڵی لووتی ئه‌و وه‌بیر خۆم بێنمه‌وه‌. ته‌نانه‌ت له یادم نییه لووتی هه‌بوو یان نا. به دڵنیاییه‌وه‌ ئه‌وه‌ی له...

شعر هرمان وطمانی

روان
پیرهن سیاه کُردی بر تن و
تنها در میان مردمان گریان، رقصید
نو عروس سالهای خشم و استبداد و تهدید
من، روانم بر دستانشان...
پیچیده در بیرق ولی
روانم سالیان درازیست، درآن جاریست
نوعروس سالهای دوری‌ام!
آمده ام...
با همان جلوه... همان نشان
اگرچه
پیرهن سیاه کُردی‌ات بر تن و
گیسوان سپیدت خاکیست.

کافه کتێب

زنجیرە دانیشتنەکانی کافە کتێب 2ی ڕه‌شه‌ممه بە بەشداری سێ شاعیری مەهابادی بەڕێوە چوو

ڕاپۆرت و وێنه له فه‌یسبووکی ئه‌رسه‌لان چه‌ڵه‌بی وه‌رگیراوه‌.

ڕۆژی هەینی ڕێکەوتی ٢ ڕەشەمەی ١٣٩٢ کۆڕی کافە کتێب کاتژمێر چواری دوانیوەڕۆ بە بەشداری و خوێندنەوەی شیعرەکانی شاعیرانی مەهابادی، قادر نیازی، غەفوور پیرزاد، هەرمان وەتمانی، دەستی پێ کرد.

لە پاژی یەکەم دا بۆ ماوەی بیست خولەک بەڕێز قادر نیازی بەشێک لە شێعرەکانی خۆی خوێندەوە و دواتر بۆ ماوەی سی خولەک لە لایەن بەشدارەکانەوە باسێکی تێر و تەسەلی لە سەر کرا و خاڵی لاواز و بەهێزی شێعرەکانییان خستە ڕوو.

لە پاژی دووهەمدا بەڕێز هەرمان وەتمانی بەشێک لە شێعرەکانی خۆی خوێندەوە و دواتر بۆ ماوەی سی خولەک لە لایەن بەشداربووانەوە شڕۆڤەی لە سەر کرا و بە پێی دەرفەت رەخنە و پێشنیارەکان رووبەڕووی ئەو بەڕێزە کراوە.

لە پاژی سێهەم دا بەڕێز غەفوور پیرزاد لە ماوەی بیست خولەک دا بەشێک لە شێعرەکانی خۆی خوێندەوە و دواتر لە لایەن بەشدارەکانەوە رەخنە و پێشنیارەکان ئاراستەی کاک غەفوور کرا و بەو شیوەیە کۆڕەکە کاتژمێر حەوت و نیو کۆتایی پێ هات.

جێی ئاماژەیە کە ئەو نووسەرە خۆشەویستانەی کە لەو کۆڕەدا بەشدارییان کرد و رەخنە و وتەکانییان پێشکەشی شاعیران کرد بریتی بوون لە: بەڕێز کاک فەتاح ئەمیر، بەڕێز کاک ناسر وەحیدی، بەرێز کاک یوونس ڕەزایی، بەرێز مامۆستا شێرزاد، بەڕێز کاک سەدیق رەسووڵی، بەڕێز کاک ئازاد محەممەدیان، بەڕێز ئەرسەلان چەڵەبی، بەڕێز مەحموود محەممەدیان، بەرێز جەلال نەججاڕی، بەڕێز سولەیمان سۆفی ساڵحی، بەڕێز کاک ئاوات نوورانی، بەڕێز کاک کەماڵ کەریمی، بەڕێز کاک سۆران ئەولازادە، بەرێز کاک محەممەد ڕەسووڵی و زۆر کەسی کە کە وەکوو هۆگری شێعر و ئەدەبیاتی کوردی لەو کۆڕە دا بەشدارییان کرد و بە شێوەیەکی زۆر گەرم و شاعیرانە کۆتایی پێ هات.

 

ڕێباز ـ شێعری هه‌رمان وه‌تمانی

ڕێباز

که ده‌ستم بۆ له خاچ دانت کیفایه‌تی نه‌کرد
مۆسیقاری دڵه‌ترپه‌م بۆ له‌به‌ر نه‌کرا
دوکمه‌ی "با" له هه‌ور مه‌ترازێنه باران!...
به‌ڵێن ده‌ده‌م
خه‌ونه‌کانت گرێ بده‌م له غوربه‌تی په‌نجه‌ره‌یه‌ک
پرسه‌ بگێڕم بۆ ته‌نیاییت
ده‌ست هه‌ڵنه‌گرم له ڕێبازت
وه‌ک گڵۆپێک تێر بخووسێم
له ژێر تیشکی په‌نجه‌کانت...

ڕه‌شه‌ممه‌ی 92

 

یۆسف هایال ئۆغلوو

یۆسف خه‌یال ئۆغلوو

وه‌رگێڕانی هه‌رمان وه‌تمانی

شاعیر و هونه‌رمه‌ندی کورد یۆسف خه‌یال ئۆغلوو ساڵی 1953 له ناوچه‌ی ده‌رسیم که ئێستا به پارێزگای تونجه‌لی ناودێر کراوه‌ له کوردستانی باکوور له دایک‌بووه. ساڵی 1972 زه‌ماوه‌ندی کردووه و خاوه‌نی سێ منداڵه. ئه‌و برای "گولته‌ن کایا" هاوسه‌ری ئه‌حمه‌د کایایه، ساڵی 1986 که ساڵی زه‌ماوه‌ندی "گولته‌ن" له‌گه‌ڵ ئه‌حمه‌د کایا بوو خاڵێکی وه‌رچه‌رخان بوو له ژیانی یۆسف‌دا. زۆربه‌ی شێعره‌کانی ئه‌م شاعیره له لایه‌ن ئه‌حمه‌د کایا و کۆمه‌ڵێکی تر له گۆرانی بێژان کراوه‌ته گۆرانی. یۆسف خه‌یال ئۆغلوو 3ی مارسی 2003 به هۆی نه‌خۆشی شێرپه‌نجه‌ی سیپه‌لاک له نه‌خۆشخانه‌ی "ئاجی بادم باکیرکوی" له شاری ئیستامبووڵ کۆچی دوایی کرد.

کتێبه‌کان: خۆکووژی چاو شینه‌کان 2002 / بوه‌سته... ئه‌رێ چاوانم نه‌گریان؟ 2010 /

ئاڵبۆمی شێعر

ئیستامبووڵ مه‌له‌که‌ی ژان/  ژیانی دایک چی لێ هاتووه / کێ ده‌توانێ چاوپۆشی بکات / ئینجا به‌جێ دێڵین/  دووری خه‌ڵاته‌کان/ ئه‌سبی سه‌رکێش / دڵی من خو‌ێنینه/ شانازی مرواری/ کابرای سه‌رسوورهێنه‌ر/ له کام جودایی/ وه‌ک خۆکوژییه‌ک/ خه‌ریکه لێره بڕۆم/ / وا هه‌ست ده‌که‌م فه‌رامۆشم کردووه/ ئاه ئۆلان ره‌زا  و...

نمونه‌ی شێعری:

من ژنێکم

له ڕۆژئاوابوونه‌وه‌،

له چاوانی خوێنینم، وێڕای ژان،

ڕۆژه‌کان وشکه‌رۆ ده‌بن

هه‌ر وه‌ک گوڵێکی بۆن کراو، خولیاکانم پێشێل کراو

له ئاوێنه‌ی زه‌مان‌ غوروور ده‌رفه‌تی گریان نادات...

ادامه نوشته

پاسپۆرت، هێرتا مولێر

پاسپۆرت

هێرتا مولێر

وه‌رگێڕانی هه‌رمان وه‌تمانی

له ده‌وروبه‌ری بینای یاده‌وه‌ری شه‌ڕ گوڵه‌باخ ڕواوه. گوڵه‌باخێکی زۆر. پنچکه‌گیای گوڵه‌باخ هێنده بڵیند بوون چیمه‌نیان داپۆشیوه. خونچه سپییه‌کانیان وه‌ک کاغه‌زی لووله‌یان لێهاتووه. گه‌ڵاکانیان خشه خشی دێت. خۆر هه‌ڵدێ. به‌م زووانه ڕۆژ ده‌بێته‌وه‌.

ویندیچ هه‌موو ڕۆژێ هه‌ر ئه‌و جۆره که له ڕێگای ئاش‌دا پێداڵی پایسکله‌که‌ی لێده‌دا ڕۆژ ده‌ژمێرێ. به‌رامبه‌ر بینای یاده‌وه‌ری شه‌ڕ ساڵه‌کان ده‌ژمێرێ. کاتێک که ده‌گاته یه‌که‌م دره‌ختی ته‌ورێزی، پشت ئه‌و شوێنه‌ی که به‌رده‌وام هه‌موو ڕۆژێ له‌و چاڵه ده‌که‌وێ ڕۆژه‌کان ده‌ژمێرێ. شه‌و کاتێک که ویندیچ ده‌رگای ئاش قه‌پات ده‌کا ساڵ و ڕۆژه‌کان سه‌رله‌نوێ ده‌ژمێرێ.

له مه‌ودای دووره‌وه ده‌توانێ بۆن و به‌رامه‌ی گوڵه‌باخه...

ادامه نوشته

شوابی‌یه‌کان

شوابی‌یه‌کان

هێرتا مولێر ــ براوه‌ی خه‌ڵاتی نۆبلی ۲۰۰۹

وه‌رگێڕان: هه‌رمان وه‌تمانی

شه‌وی شه‌ممۆیه. کوره‌ی حه‌مام سوور بۆته‌وه‌ و نێڵ دراوه. په‌نجه‌ره‌ی هه‌واکێش چاک قه‌پات بووه. ئارنی بچکۆلانه‌ی ته‌مه‌ن دوو ساڵ له هه‌وای به‌سته‌ڵه‌ک‌دا هه‌ڵامه‌تی گرتووه. دایکه پشتی ئارنی بچکۆلانه به شۆرتی کۆن ده‌شوات. ئارنی بچکۆلانه هه‌دا نادا. دایکه ئارنی بچکۆلانه له نێو وان هه‌ڵده‌گرێ. دایه‌گه‌وره ده‌ڵێ: مناڵه به‌سته زمانه‌که‌م. دایه‌گه‌وره ده‌ڵێ مناڵی ئه‌وه‌نده بچووک خۆ نابه‌نه حه‌مام. دایکه ده‌چێته نێو وان. ئاو هێشتاش کوڵیوه‌. سابوون که‌ف ده‌کا. دایکه لوولی چڵکی پشت ملی کیسه لێده‌دا. لوولی چڵکه‌کانی دایکه له سه‌ر ئاو بڵاو بۆته‌وه‌. ده‌وری وان ئاڵقێکی زه‌ردی به‌ستووه. دایکه له وان دێته ده‌ر. ئاو هێشتا کوڵێوه‌، دایکه بانگی باوکه ده‌کا. باوکه ده‌چته ناو وان. ئاو گه‌رمه. سابوون که‌ف ده‌کا. باوکه چڵکی سینگی لوول ده‌کا. لوولی چڵکه‌کانی باوکه له کن لوولی چڵکه‌کانی دایکه که‌وتۆته سه‌ر ئاو. ئاڵقه‌ی ده‌وری وان قاوه‌یی ده‌بێت. باوکه له وان دێته ده‌ر. ئاو هێشتا کوڵیوه‌. باوکه هه‌را ده‌کا و بانگی دایه‌گه‌وره‌ ده‌کا. دایه‌گه‌وره لاق له وان ده‌نێ. ئاو شیله‌وتینه. سابوون که‌ف ده‌کا. دایه گه‌وره‌ لوولی ورکه چڵكه‌کانی سه‌ر شانه‌کانی ده‌شوات. لوولی چڵکه‌کانی دایکه، باوکه و دایه‌گه‌وره‌ وه‌‌سه‌ر ئاو که‌وتوون. ئاڵقه‌ی ده‌وری وان ڕه‌ش بووه...

ادامه نوشته

وه‌رگێڕانی شێعر

دوو شێعر له موراد فه‌رهادپوور

وه‌رگێڕانی هه‌رمان وه‌تمانی

مه‌ودا...

چاوانت ئاوه‌ڵا که

له‌تکی به‌رد له ده‌ست بگره

دوورترین ئه‌ستێره‌کان له تۆدان.

وه‌ختی شێوان له ئاسۆ‌دا

ده‌بی به خاوه‌ن ماڵ.

له کن کاتژمێری خۆر دانیشه

له‌گه‌ڵ هه‌وره‌کان بدوێ

سڵاو له ڕێبواران بکه

وه په‌ژاره و ته‌نیاییت به نووکی قامه‌که نه‌رمه‌کانت بژمێره.

ڕێز بگره له جه‌سته‌ت

وه ڕۆحت

نه‌یارێکی هه‌رمانه بۆ تۆ...

ادامه نوشته

خه‌ڵاتی ئه‌ده‌بیاتی نۆبلی 2013

وتووێژی واڵ ستریت ژورناڵ له‌گه‌ڵ ئالیس مونرۆ

وه‌رگێڕانی هه‌رمان وه‌تمانی

ئه‌م وت‌ووێژه ده‌گه‌ڕێته‌وه‌ بۆ ماوه‌یه‌ک به‌ر له‌ هه‌ڵبژاردنی ناوی ئالیس مونرۆ وه‌ک براوه‌ی خه‌ڵاتی ئه‌ده‌بیاتی نۆبلی 2013

ئالیس مونرۆ Alice Munro له دایک‌بووی ساڵی 1931 نووسه‌ری که‌نه‌دی یه‌کێک له به‌تواناترین نووسه‌رانی چیرۆکی کورتی هاوچه‌رخ به ئه‌ژمار دێ، هێندێک له سه‌ر ئه‌و بڕوایه‌ن که مونرۆ کۆمه‌ڵگای کتێب‌خوێنی ئه‌مریکای باکووری له‌گه‌ڵ چیرۆکی کورت ئاشت کرده‌وه هه‌رچه‌ند بۆخۆی هه‌رگیز به نیازی ئه‌وه‌ نه‌بووه ببێته نووسه‌ری چیرۆکی کورت. باوکی مونرۆ وه‌رزێر بووه و دایکی مامۆستای قوتابخانه، ئه‌و نووسینی له مێرمنداڵییه‌وه‌ ده‌ست پێکرد و یه‌که‌م چیرۆکی خۆی به ناوی "ڕه‌هه‌نده‌کانی سێبه‌رێک" ساڵی 1950 ئه‌و کات که هێشتا خوێندکاری زانکۆی وسترۆن ئونتارییۆ بوو بڵاو کرده‌وه. مونرۆ ساڵی 1951 وازی له زانکۆ هێنا و شووی کرد، ساڵی 1963 نیشته‌جێی ویکتۆریا بوو و له‌وێ کتێب فرۆشی "مونرۆ"ی کرده‌وه که ئێستاش هه‌ر به‌رده‌وامه. 10ی ئوکتۆبری 2013 ئاکادێمی سوید ڕاگه‌یاند که خه‌ڵاتی ئه‌ده‌بیاتی نۆبلی ئه‌مساڵ ده‌درێ به خاتوو...

ادامه نوشته

شێعری هه‌رمان

وه‌رزی زوڵه‌ێخا

له‌وپه‌ڕی نووره‌وه

که ئاسمان هه‌ڵزناوی بیری شه‌هیدت نه‌بوو و

قامه‌تی گه‌ڵا

ڕه‌گ‌ئاژۆی

هه‌ڵوه‌رینێک به سه‌ر یادم‌دا

فه‌رامۆشم مه‌که

تا ئه‌و په‌ڕی تاریکی

هه‌ر کات باران

به سه‌ر گه‌لی شکۆفان‌دا نازڵ ده‌بێته‌وه و

با

به سینگ‌کوتان و

قژ ڕنین

وه‌زی فه‌رامۆشی زوڵه‌یخا

واژۆ ده‌کات...

وه‌رگێڕانی شێعری عه‌لی یاری

 

ناوچه‌ی دژه فڕێن

شێعری عه‌لی یاری

وه‌رگێڕانی هه‌رمان وه‌تمانی

مناڵانی که‌رکوک

هێشتا نووسیومه چی

ــ  به‌ڵام ڕامان له سه‌وزی دره‌خته‌کان

یانی ده‌بوو چ بکه‌ن که نه‌یانکرد،

سوڕگه‌یان جۆرێک دامه‌زراندووه

که له ژێر پاڵاوگه تێپه‌ڕ ببێ...

ادامه نوشته

شعر انفال ـ هرمان وطمانی

ناقوس انفال

کلمات را که به خاک تزریق کردی

انتظارت را در ملحفه‌ای پیچیده‌ و

در بالکن پهن می کنم

یک چمدان پر از ناقوس انفال و

مردانی با لباس شخصی

برایت ابر هدیه آوردند

ابرهای باران زا

ابرهایی با رایحه مدیترانه و

خورشید در نگاهت مشبک

حوصله‌اشان را سر می برد

کلمات در خاک جوانه زده‌اند

و باد ملحفه‌هایت را

با خود می برد به عمد

ــ تعجب نکن...

همیشه در این خانه

کمی خاک پیدا می شود بر سر بریزم

و ابرهایی که از جانب مدیترانه

بارش می کنند هنوز

تو را به یاد می آورم

انتظارت را حس می کنم حالا

و رایحه‌ات را

در خاک می بویم اکنون...

شعر قباد جلی زاده

پایان

شعر قباد جلی زاده

ترجمه هرمان وطمانی

آغاز و پایانمان

کوتاهتر از عمر آن اشکی بود

که از چشمانت

بر روی گونه‌هایت غلتید

 

کوتاهتر از

آذرخش آن برقی

که درونم را به حسرت

چراغانی نمود

 

کوتاهتر

از عمر آن دانه برفی

که می بارد روی آتش...

ادامه نوشته

وت‌ووێژ

وت‌وێژ له‌گه‌ڵ محه‌ممه‌د ئه‌حمه‌دی "ساماڵ"

ئاماده‌کردنی: هه‌رمان وه‌تمانی

* ئه‌م وت‌ووێژه له ژماره‌ 149ی گۆڤاری مه‌هاباددا بڵاو بۆته‌وه‌.

پ: تکایه سه‌ره‌تا له کورته‌ی ژیان و کاره‌ ئه‌ده‌بییه‌کانی خۆتان بۆ خوێنه‌رانمان بدوێن.

و: من له‌ ساڵی 1372 یا 1373ی هه‌تاوییه‌وه‌ ده‌ستم به‌ نوسینی یه‌که‌م ئه‌زموونه‌کانی نووسینی خۆم کرد، هه‌ر له‌و سه‌روده‌مه‌شدا ئه‌نجومه‌نی ئه‌ده‌بیی بۆکان دامه‌زرا و منیش به‌شداریم له‌ کۆڕ و کۆبوونه‌وه‌کانیدا ده‌کرد و دواتر له‌ گۆڤاره‌کانی سروه‌ و ئاوێنه‌ و زرێبار و ئه‌وانه‌دا نووسراوه‌کانم بڵاو ده‌کردنه‌وه‌ تاکوو له‌ ساڵی 1380ی هه‌تاویدا یه‌که‌م کۆمه‌ڵه‌شیعرم به‌ ناوی (هه‌رهیچ، ته‌نیا...!) له‌ ڕێگای ئینتشاراتی عابیدی تارانه‌وه‌ به‌ شێوه‌ی کتێب بڵاوکرده‌وه‌. هه‌ر ئه‌و ساڵه‌ و هه‌ر له‌و ئینتشاراته‌ وه‌رگێڕانی کۆمه‌ڵه‌ شیعری (خولیاکانی ئه‌و باویلکه‌ غه‌مگینه‌ی له‌ باشووره‌وه‌ هاتبوو)ی سه‌ید عه‌لی ساڵحیم بڵاو کرده‌وه‌. پاشان له‌ ساڵی 1382دا دووه‌مین کۆمه‌ڵه‌ شیعرم له‌ ڕێگای نه‌شری (پیام امروز)ی تارانه‌وه‌ به‌ ناوی (تابووت) بڵاو کرده‌وه‌. ساڵی 2013 هه‌ر دوو کۆمه‌ڵه‌ شیعره‌که‌م له‌ توێی دیوانێکدا به‌ ناوی (سه‌رپه‌ڕه‌کانی هیچ) له‌ لایه‌ن یه‌کێتیی نووسه‌رانی کورد ــ مه‌ڵبه‌ندی گشتییه‌وه‌ له‌ هه‌ولێر...

ادامه نوشته

وه‌رگێڕانی شێعری ئه‌حمه‌د ڕه‌زا ئه‌حمه‌دی

شێعری ئه‌حمه‌د ڕه‌زا ئه‌حمه‌دی

وه‌رگێڕانی هه‌رمان وه‌تمانی

1

له بۆسه‌ی خه‌م دام خاتوون

لێم تێبگه

بمبه‌ره‌وه ماڵ

گوڵێکم له یاد چووه

که تیشک داوێته ڕووخسارم

زامه‌کانم پشکوتوون

ڕۆژگارم پڕ بووه له خه‌م

خاتوون دڵۆپ دڵۆپ لێم تێبگه

له‌م ماڵه‌دا جێگایه‌ک نیه بۆ قسه

هیچم نه‌گوت

ته‌مه‌نێک ڕابوارد

له‌م ماڵه‌وه بمبه‌ره‌‌ باغێک...

ادامه نوشته

ترجمه شعر پیربال

شعر فرهاد پیربال

ترجمه: هرمان وطمانی

 

خودت هستی، در مقابل دیدگانم، درون تابلوام:"سارا آرت"

چه زیبا و پر رنگ!

وای...

تابلوی قله‌هایم و

قله‌ای که شب‌پره‌ی هیچ هنرمندی پروازش نداده

سر به هیچ خود آمیختنی به رنگ

رنگ آمیختن به غم

خود را رنگی کردن

خود را رنگین کردن به رنگ رخ رنگین رنگ صحرای تو...

ادامه نوشته

هایکۆ

ده‌ هایکۆ له کوبایاشی ئیسا

وه‌رگێڕان له فارسییه‌وه: هه‌رمان وه‌تمانی

کوبایاشی ئیسا 15ی ژوئه‌نی 1763ی زایینی له دایک بووه. ژیانی ئه‌و پڕاپڕه‌ له غه‌م و په‌ژاره؛ که دوو ساڵی بوو دایکی کۆچی دوایی کرد و له ته‌مه‌نی 14 ساڵی‌دا دایه‌گه‌وره‌ی مرد. دواتر سێ منداڵ و یه‌که‌م هاوسه‌ری مردن. له سێ ساڵی کۆتایی‌دا له‌گه‌ڵ کیژێکی ساموڕایی زه‌ماوه‌ندی کرد. ئیسا له هایکۆیه‌کانی‌دا باس له ژیانی پڕ له غه‌م و په‌ژاره‌ی خۆی ناکات و تا ماوه‌یه‌کی زۆر له سه‌ر شێوازی باشوو و یووسا بۆسۆن شێعری ده‌هۆنێوه‌ به‌ڵام له ته‌مه‌نی چل ساڵی‌دا گه‌یشته لوتکه‌ی شێوازی شێعری خۆی. ئه‌و زمانی کوچه بازار و زاراوه‌ جۆراوجۆره‌کانی هێنانه ناو هایکۆکانی خۆی. ئیسا 5ی ژانوییه‌ی 1828ی زایینی له گوندی خۆی کۆچی دوایی کرد.

1

له‌م جیهانه‌دا

به سه‌ر میچی دۆزه‌خ‌ هه‌نگاو ده‌نێن و

له گوڵان ڕاده‌مێنین.

 

2

له سه‌ر گڵکۆی کچم

سی ڕۆژ له دوای مه‌رگی:

بای پاییزی هه‌ڵیده‌کا و

ئه‌م گوڵه سوورانه

هه‌ر ئه‌وانه‌ن که ئه‌و

حه‌زی لێبوو بیانچنێ...

ادامه نوشته

ترجمه شعر غمگین بولی

الو... سافو؟

شعر غمگین بولی

ترجمه هرمان وطمانی 

     غمگین خدر مصطفی مشهور به “غمگین بولی” متولد سال ۱۹۸۴ میلادی در محله کوران اربیل کردستان عراق دیده به جهان گشود. اکنون دانشجوی رشته حقوق دانشگاه اربیل است. کتاب شعری او به نام “لخت شدن کلمات” در یک سال (۲۰۱۲) دو بار تجدید چاپ شد.

آثار چاپ شده ایشان:

۱٫     عشق و گریه ــ شعر ۲۰۰۵

۲٫     میدان سیاه و سفید ــ اشعار چامه ۲۰۰۵

۳٫     رقص مرگ ــ رمان کوتاه ۲۰۰۶

۴٫     پیام های شعری موبایل، دو برگی ۲۰۰۷

۵٫     ادب و قسمتی از روح ــ تحقیق ادبی ۲۰۱۱

۶٫     لخت شدن کلمات ــ شعر ــ ۲۰۱۲

۷٫     آوازی آبی ــ نقد ادبی ۲۰۱۲

همچنین جزو هیأت تحریریه هفته نامه ادبی و هنری “نسی”  می باشند و تا یک سال پیش مسئول ادبی مجله “هاوبه‌شی” بودند.

  

من فردا سفری ام..!

به مردن بگویید:

خودش را زحمت ندهد بعد من

خودم به سافو زنگ می زنم

از آن سوی پاکیزگی زنانش،

بگذار خانه‌ای آمال از کتاب بالدار و

زن شیشه‌ای و

شراب آسودگی‌ام را اجاره‌ کند!

اتاق‌هایش همانند خیال فراغ و

حیاطش به سان کلمات گسترده باشند

سالنش درست مثل سینه شعری بال گرفته باشد.

الوووووو... سافو؟

مردن را خجل می کنم...

ادامه نوشته

وتووێژ

وتووێژی لوورا میلێر له‌گه‌ڵ هاروکی موراکامی

وه‌رگێڕان له فارسییه‌وه‌: هه‌رمان وه‌تمانی

هاروکی موراکامی له دایک‌بووی ساڵی 1949 له شاری کیۆتۆ یه‌کێک له به‌ناوبانگ‌ترین نووسه‌رانی ئه‌مڕۆی ئه‌ده‌بیاتی ژاپۆن و جیهان به ئه‌ژمار دێ. ئه‌و سه‌باره‌ت به‌ خۆی ده‌ڵێ:"ساڵی 1974 ڕۆژێک له سه‌ر چیمه‌ن ڕاکشابووم و سه‌رقاڵی تماشای کێبه‌رکێی به‌یس‌ باڵ بووم که له‌ناکاو بڕیارم دا ده‌ست به نووسین بکه‌م. نووسینی ڕۆمانم له ته‌مه‌نی 29 ساڵی‌دا ده‌ست‌پێکرد. تا به‌ر له‌وه‌ به‌رهه‌می نووسه‌رانی ژاپۆنیم به‌ گیان و دڵ‌ نه‌خوێندبۆوه. هه‌ربۆیه ده‌ستم کرد به نووسینی شێوازی خۆم. هه‌ر له‌ سه‌ره‌تاوه‌ شێوازی من شێوازی خۆم بوو نه هی که‌سێکی تر." موراکامی سه‌باره‌ت به پێوه‌ندی خۆی له‌گه‌ڵ ئه‌ده‌بیاتی ژاپۆن ئاوا ده‌دوێ:"له ساڵه‌کانی 1960دا که تازه‌لاو بووم حه‌زم له ڕۆمانه ژاپۆنییه‌کان نه‌بوو. هه‌ر بۆیه بڕیارم‌ دا نه‌یانخوێنمه‌وه‌. من به ئه‌نقه‌ست ده‌مهه‌ویست خۆم له ئه‌ده‌بیاتی ژاپۆنی دوور بخه‌مه‌وه‌."

یه‌که‌مین ڕۆمانی موراکامی ناوی "ئاوازی با ببیسه" بوو که خه‌ڵاتێکی به‌نرخی هێناوه‌. دوای بڵاوبوونه‌وه‌ی چواره‌مین و گرینگ‌ترین ڕۆمانی "داری نۆرویجی" "Norwegian Wood" بوو که به فرۆشی سه‌رسووڕهێنه‌ری پتر له چوار میلیۆن نوسخه گه‌یشته لوتکه‌ی خۆشه‌ویستی. به‌هۆی پێشوازی بێ‌سنووری خوێنه‌رانی ژاپۆنی له‌م ڕۆمانه موراکامی ژاپۆنی به‌جێهێشت و چوو بۆ یونان. ئه‌و هاوڕێی خێزانی چه‌ند ساڵ له یونان مایه‌وه‌ و له‌وێنده‌رێ ڕۆمانی "Sweetheart Sputnik"ی نووسی.

ئه‌و به‌پێچه‌وانه‌ی زۆربه‌ی نووسه‌ران که...

ادامه نوشته

...

له خێڵی کام گوڵانی

تۆ ناژاکێی

وه‌نه‌وشه، نێرگیز؟

یان سووره‌ گوڵه‌که‌ی چیای بارزان...

دوو شێعری کورت

 له بێده‌نگستانی په‌پووله‌یه‌ک‌دا

که‌له‌بچه‌ی مه‌رگ

ته‌نیایی گوڵ ده‌بژوێنێ و

ورینگه‌ی "با"ش

نه‌هێڵانی ترپه‌ی باران.

***

که شار

یه‌خسیری نه‌فره‌تێکی سه‌ربه‌مۆر بوو

سه‌ده‌ف‌بارانی تووڕه‌ییت

خه‌نده‌کانی شیته‌ڵ ده‌کا.

خاکه‌لێوه‌ی 92

شێعری هه‌رمان

دڵوپ دڵۆپ
ده‌تکێته سه‌ر ته‌وێڵی ئاسمان و
قڵپ قڵپ
ده‌ڕژێیته ناو ده‌ماره‌کانی زه‌ریا
به گه‌رووی کام ڕووباردا نازڵ بووی
هه‌ڵه‌بجه، ئه‌ی شه‌هیـــــــدترین وه‌رزی وشه‌کان
هه‌رمان وه‌تمانی

شعر هرمان وطمانی

تعهد

گاه نمی شود تعهد داد

پیرامون حرفهای مرتبط یک مرد

و خلسه‌ی مستقیم آفتاب را

در شعاع بی ملامتی گلدانها جستجو کرد

گاه فقط استخوانهایت درد می کنند درک را

در پهنای روشن منشی سیاه چاله‌های خون؛

و چهره‌ی یک مرد گرچه برافروخته‌ باشد لکن

استدلال او آن سوی ماجراست:

ــ نمی شود تعهد داد!

یک مرد با جلیقه‌ای انتحاری و پنج پرنده خاکستری رنگ

که احتمالا دوتایشان بی نهایت خاکستری تر نیستند از آن سه تا و

حرکت ناگهانی چشمانشان توأم با انسجام چراغ های زنبوری آویزان.

همه چیز بستگی دارد

پیرامون حرف های مرتبط یک مرد

و جمله هایی که در پی انفجارش از هم گسیخته‌اند

   د        آز 

م    ی        ا     کو

چ   های            ژ

ستان    ر              می

هس        بو     یم ...